![Course Staff Image #1](/assets/courseware/v1/2217fbcaae9b62bfaea1da1257399659/asset-v1:kaznu+FH+2024_C2+type@asset+block/%D0%98%D0%B7%D0%BE%D0%B1%D1%80%D0%B0%D0%B6%D0%B5%D0%BD%D0%B8%D0%B5_029.jpg)
Тусупбекова Алма Сапаровна
1958 жылы 4 мамырда Алматы қаласында дүниеге келген. 1980 жылы ҚазҰУ химиялық факультетін тәмәмдады. Оқуды аяқтағаннан кейін АН КазССР Химиялық – металлургиялық Институтына ( Қарағанды қ.) бөлінген, 1983 жылдан бастап АГМИ – да (Алматы қ.) к.ғ.қ. қызметін атқарса, 1985 жылынан ҚазҰУ химиялық факультетінің физикалық химия және электрохимия кафедрасында жұмыс жасайды. Кандидаттық диссертациясын 02.00.01 – бейорганикалық химия мамандығы бойынша «Висмут (III)-тің унитиолмен кешентүзуі» тақырыбында сәтті қорғады. 1997 жылдан осы күнге дейін доцент қызметін атқарады. Ғылыми – зерттеу бағыты координациялық қосылыстар химиясымен –бесінші топ металдары мен күкірт құрамды лигандтар арасында түзілетін кешенді қосылыстарды синтездеу және физика – химиялық, биологиялық қасиеттерін зерттеумен байланысты. Қазіргі таңда «Физикалық химия» фундаменталды курсы және «Координациялық қосылыстар химиясының қазіргі күйі», «Физика – химиялық анализ», «Техникалық термодинамика» арнайы курстар бойынша сабақ өткізеді. Ресми іс – қағаздарды, ЖОО студенттері мен мектеп оқушылары, оқытушыларға арналған оқу және оқу – әдістемелік әдебиеттерді қазақ тіліне аудару жолында жемісті қызмет атқаруда.